ಅಡಿಗೆ ಮನೆಯಲ್ಲಿ ಅನ್ನದ ಜೊತೆ ಬೇಯುತ್ತಾ
ಹುಳಿಯ ಜೊತೆಯಲ್ಲಿ ಕುದಿಯುತ್ತಾ
ಇದ್ದು ಬಿಡುತ್ತೀರಿ
ಹೊರಬರುವುದು ಒಗ್ಗರಣ್ಣೆಯ ಘಾಟು
ಅಟ್ಟಿದಾಗ ಮಾತ್ರ
ಕನಸುಗಳ ಹಳೇ ಹುಣ್ಣಿಗೆ ಗಂಡ ತಂದ
ಬ್ಯಾಂಡೇಜ್ ಸುತ್ತಿಕೊಂಡು
ಏನೂ ಆಗದವರಂತೆ ನಟಿಸುತ್ತೀರಿ
ವ್ಯಾನಿಟಿ ಬ್ಯಾಗ್ ನ ಮೂಲೆಯಲ್ಲಿ
ಡಿಗ್ರಿ ಸರ್ಟಿಫಿಕೆಟ್ ತುರುಕಿ ಬಿಡುತ್ತೀರಿ
ಹುಟ್ಟಿದ ಮಕ್ಕಳ ಭವಿಷ್ಯದಲ್ಲಿ ನಿಮ್ಮ
ಭವಿಷ್ಯ ಕಾಣುತ್ತಾ ಉಳಿದು ಬಿಡುತ್ತೀರಿ
ಹೌದು ಮಾರಾಯ್ತಿ, ನೀವು ಹೆಂಗಸರೇ ಹೀಗೆ !
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ