ನನ್ನೆಲ್ಲಾ ನಿದ್ರಾಹೀನ ರಾತ್ರಿಗಳಿಗೆ ಅದೊಂದೆ ಘಟನೆ ಕಾರಣ ,ಕೇವಲ ಅದೊಂದೆ ಘಟನೆಯಾ ? .........
ಅಂದು ರಾತ್ರಿ ನಾನು ಭೋರ್ಗರೆದು ಬಿಡಬಿಹುದಿತ್ತು. ಸುತ್ತಲೂ ಕಾಡು, ನೀರವ ಮೌನ, ನೀರಿನ ಜುಳು ಜುಳು ನಿನಾದ, ಪಕ್ಕದಲ್ಲಿ ಹರೆಯ ಉಕ್ಕಿ ಹರಿಯುತ್ತಿದ್ದ ಹುಡುಗಿ. ಅವತ್ತೇ ಅವಳ ಮೇಲೆ ಭೋರ್ಗರೆದು ನನ್ನ ಗಂಡಸುತನ ಪ್ರದರ್ಶನ ಮಾಡಿಬಿಡಬಹುದಿತ್ತು. ಕಂಠದವರೆಗೆ ವೈನ್ ಕುಡಿದಿದ್ದ ಅವಳಿಗೆ ಮೈಮೇಲಿನ ಪರಿವೇ ಇರಲಿಲ್ಲ. ಎಲ್ಲ ಪ್ರೀತಿಯ ತಾಯಿ ಬೇರು ವಾಂಛೆ. ನಾನು ಅವಳನ್ನು ಪ್ರೀತಿಸಿದ್ದು ಕೂಡ ಕೇವಲ ದೈಹಿಕ ಆಕರ್ಷಣೆಯ ?.....ಇಲ್ಲ ಖಂಡಿತ ಅಲ್ಲ, ನನ್ನ ಕನಸುಗಳ ಒಟ್ಟು ಮೊತ್ತವೇ 'ಅಂಕಿತ ' . ಬಹುಶಃ ನನ್ನ ಜೀವನದಲ್ಲಿ ನಾನು ಊಹಿಸಿಕೊಂಡ ಹುಡುಗಿ ಅವಳೊಬ್ಬಳೇ. ಮನೆಯಲ್ಲಿ ಆಸ್ತಿ , ವಿದ್ಯೆ, ,ಸಂಸ್ಕಾರವಿದ್ದ ನನಗೆ ಅಹಂ ಬಂದಿತ್ತು ಅಥವಾ ಇನ್ನೂ ಇದೆ. ಆದರೆ ಅವತ್ತು ನನ್ನೆಲ್ಲಾ ಹಮ್ಮು ಬಿಟ್ಟು ಕೇವಲ 'ಆದಿ ' ಆಗಿದ್ದೆ . ಜಾವದ ಚಳಿ ತಾಕದೇ ಇರಲಿ ಎಂದು ಅವಳಿಗೆ ಬೆಡ್ ಶೀಟ್ ಹೊದಿಸಿ , ಅವಳ ಮುಂಗುರುಳು ಸರಿಪಡಿಸಿ ಕುರ್ಚಿಗೆ ತಲೆಯಾನಿಸಿ ಕುಳಿತೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ