ಮತ್ತದೇ ಬೇಸರ ...................

ಮತ್ತದೇ ಬೇಸರ ಅದೇ ಸಂಜೆ, ಅದೇ ಏಕಾಂತ
ನಿನ್ನ ಜೊತೆಯಿಲ್ಲದೆ ಮನ ವಿಭ್ರಾಂತ........
ನಾನು ಮೈಸೂರು ಸೇರಿ ಮೂರು ವರ್ಷಗಳೇ ಕಳೆದು ಹೋಗಿದೆ. ನೋಡ ನೋಡುತ್ತಲೇ ನನ್ನ ಸೀನಿಯರ್ ಗಳು ರೂಮು ಖಾಲಿ ಮಾಡತೊಡಗಿದ್ದಾರೆ. ಎಲ್ಲೋ ಹುಟ್ಟಿ, ಇನ್ನೆಲ್ಲೋ ಬೆಳೆದ ನಮ್ಮನ್ನು ಕಾಲವೇ ಒಂದು ಮಾಡಿತ್ತು. ಜಾತಿ, ಧರ್ಮ ,ಭಾಷೆಗಳು ನಮ್ಮಲ್ಲಿ ಒಡಕು ಮೂಡಿಸುವಲ್ಲಿ ಸೋತಿದೆ. ಮತ್ತೆ ನನ್ನ ರೂಮು, ಮನ ಎರಡೂ ಖಾಲಿಯಾಗಿದೆ . ಬರುವಾಗ ಅಳುತ್ತಲೇ ಬಂದ ನಾನು, ಮತ್ತೆ ಅಳಬೇಕಾಗಿದೆ. ಇವತ್ತು ಹೆವ್ವಿ ಸೆಂಟಿಮೆಂಟಲ್ ಸೀನ್ ಗಳಿಗೆ ಸಾಕ್ಷಿಯಾಗಬೇಕಾಯಿತು. ಕಣ್ಣೀರು ಕೆನ್ನೆಗೆ ಇಳಿಯುವ ಮೊದಲೇ ಲೇಖನಿ ಕೈ ಸೇರಿತ್ತು, ಮತ್ತವೇ ಸಾಲುಗಳ ಬರೆದೆ .ನನ್ನ ಆಂತರ್ಯದ ಸಾಲುಗಳು 'ಭೇಟಿ ಆಕಸ್ಮಿಕ ಅಗಲಿಕೆ ಅನಿವಾರ್ಯ ,ಪರಿವರ್ತನೆ ಜಗದ ನಿಯಮ ' '.......
ಒಟ್ಟಿನಲ್ಲಿ ನನ್ನ ಗೆಳೆಯ ನನ್ನ ತಬ್ಬಿಕೊಂಡು ಅತ್ತಾಗ ,ನನ್ನ ಕಣ್ಣುಗಳು ತೇವವಾಗಿದ್ದು ಸುಳ್ಳಲ್ಲ.