ಮರೆಯದ ನೆನಪು

ಅವರ ಕೈಯಲ್ಲಿ ಆಯುಧಗಳಿರಲಿಲ್ಲ ,ಅಸಲಿಗೆ ಅಲ್ಲೇನಾಗಬಹುದು ಎಂಬ ಸಣ್ಣ ಸುಳಿವು ಸಹ ಅವರಿಗಿರಲಿಲ್ಲ. ಅವರು ಉಗ್ರರಲ್ಲ, ಕೊಳ್ಳುಬಾಕರಲ್ಲ, ಆದರೂ ನೋವುಂಡರು ........
ಅಂದು ಆಗಸ್ಟ್ 9 ,ಅಮೇರಿಕಾದ ಯುದ್ಧ ವಿಮಾನದ ಪೈಲಟ್ ಗಳು, ವಿಮಾನವನ್ನು ಜಪಾನ್ ಕಡೆಗೆ ತಿರುಗಿಸಿ ಕುಳಿತು ಬಿಟ್ಟಿದ್ದರು. ಅವರು ಗಾಳಿಯಲ್ಲಿ ತೂರಿದ ಫ್ಯಾಟ್ಮ್ಯಾನ್ ಹಾಗು ಲಿಟಲ್ ಬಾಯ್ ಎಂಬ ಎರಡು ಅಣು ಬಾಂಬ್ ಗಳು ಹಿರೋಶಿಮಾ ಹಾಗು ನಾಗಾಸಾಕಿ ನಗರಗಳನ್ನು ಪುಡಿ ಪುಡಿ ಮಾಡಿತ್ತು . ಲಕ್ಷಾಂತರ ಮುಗ್ಧ ಜನರು ಅಕ್ಷರಶಃ ನಿಂತಲ್ಲೇ ನೆಟ್ಟಗಾಗಿ ಹೋದರು . ಒಂದೆಡೆ ಅಮೇರಿಕಾ ವಿಜಯದ ರಣಕೇಕೆ ಹಾಕುತ್ತಿದ್ದರೆ ,ಇನ್ನೊಂದೆಡೆ ಜಪಾನ್ ಅಮೇರಿಕಾದ ಮುಂದೆ ಮಂಡಿಯೂರಿ ಕುಳಿತು ಕಂಬನಿಗರೆಯುತ್ತಿತ್ತು .ಜಗತ್ತು ದಿಗ್ಭ್ರಾಂತವಾಗಿತ್ತು . ಹಿರೋಶಿಮಾ ಹಾಗು ನಾಗಾಸಾಕಿಯ ಅಕ್ಕ-ಪಕ್ಕದ ಸಣ್ಣ-ಪುಟ್ಟ ಪಟ್ಟಣಗಳೂ ಸಹ ಅಣುಬಾಂಬ್ ನ ವಿಕಿರಣಗಳಿಗೆ ಸಿಲುಕಿ ನಲುಗ ತೊಡಗಿತ್ತು .
ಯುದ್ಧದ ಹಪಹಪಿ ಯಾರನ್ನೂ ಬಿಡುವುದಿಲ್ಲವೇನೋ ?......... ನಾ ಮುಂದು ತಾ ಮುಂದು ಎಂದು ಎಲ್ಲಾ ರಾಷ್ಟ್ರಗಳು ಅಣ್ವಸ್ತ್ರ ತಯಾರಿಕೆಯಲ್ಲಿ ತೊಡಗಿದವು . ಭಾರತ ಕೂಡ ಪೋಖರಣ್ ನಲ್ಲಿ ಅಣ್ವಸ್ತ್ರ ಪರೀಕ್ಷೆ ಮಾಡಿ ,ಆ ರಾಷ್ಟ್ರಗಳ ಪಟ್ಟಿಗೆ ಸೇರಿತು . ನಂತರ ಆರು ತಿಂಗಳ ಆರ್ಥಿಕ ದಿಗ್ಭಂಧನ ಎದುರಿಸ ಬೇಕಾಯಿತು .
ಒಮ್ಮೆ ನಾನು ಕಾಡಿನಲ್ಲಿ ಅಲೆಯುವಾಗ ತುಂಡಾಗಿದ್ದ ಬಹಳ ಟೊಂಗೆಗಳನ್ನು ನೋಡಿದೆ . ಅದು ಯಾರದೋ ಕೈಯಲ್ಲಿ ಕತ್ತಿ ಹಿಡಿದವರ ಕೆಲಸವಾಗಿತ್ತು ,ವಿನಾಕಾರಣ ಕಂಡಿದ್ದಕೆಲ್ಲಾ ಕತ್ತಿ ಏಟು ಹಾಕುತ್ತಾ ಹೋಗಿದ್ದರು . ಈ ಆಯುಧಗಳೇ ಹೀಗೆ ಇರಬೇಕು , ಸುಮ್ಮನೆ ಇಟ್ಟುಕೊಳ್ಳುವುದು ಕಷ್ಟ . ಬರೀ ಕತ್ತಿ ಹಿಡಿಯುವ ನಮಗೇ ಹೀಗಾಗದರೆ ,ಅಣ್ವಸ್ತ್ರ ಹೊಂದಿರುವ ಬಲಿಷ್ಠ ರಾಷ್ಟ್ರಗಳ ನಾಯಕರುಗಳ ಮನಸ್ಥಿತಿ ಹೇಗಿರಬೇಡ ? ನೆನಸಿ ಕೊಂಡರೆ ಭಯವಾಗುತ್ತದೆ .
ಇನ್ನೆಂದೂ ಜಪಾನ್ ನ ಆ ಘಟನೆ ಮರುಕಳಿಸದಿರಲಿ ,ನಿನ್ನೆಗೆ ಬಾಂಬ್ ದಾಳಿ ನಡೆದು ಎಪ್ಪತ್ತು ವರ್ಷ !!!!!
ಆದರೂ ಮರೆತಿಲ್ಲ ಇನ್ನೂ ಮುಗ್ಧ ಜನಗಳ ಬಿಸಿರಕ್ತದೋಕುಳಿ ...........