ಹುಚ್ಗುದುರೆಯ ಬೆನ್ನತ್ತಿ - ವಿಮರ್ಶೆಯ ವಿಮರ್ಶೆ

ಮರು ದಿನ ಭಾರತ್ ಬಂದ್ ಇತ್ತು , ಹಿಂದಿನ ದಿನ ರಾತ್ರಿ ನಾನು ಮೈಸೂರಿನಿಂದ ಸಾಗರಕ್ಕೆ ಪ್ರಯಾಣಿಸುತ್ತಿದ್ದೆ . ಮೈಸೂರು ಬಸ್ ನಿಲ್ದಾಣ ಖಾಲಿ ಹೊಡೆಯುತ್ತಿತ್ತು , ಲೆಕ್ಕ ಮಾಡುವಷ್ಟು ಜನ ಮಾತ್ರ ಇದ್ದ ಹಾಗೆ ನನ್ನ ನೆನಪು . ನನ್ನ ಪಕ್ಕದಲ್ಲಿ ಒಂದು ಹುಡುಗ ಹಾಗೂ ಹುಡುಗಿ ಬಸ್ ಕಾಯುತ್ತಾ ಕೂತಿದ್ದರು , ಬಹುಶಃ ಪ್ರೇಮಿಗಳು ಇದ್ದಿರಬಹುದು . ನನ್ನ Sherlock ಬುದ್ಧಿ ಹೇಳಿತ್ತು ಅವರು ಪ್ರೇಮಿಗಳೇ . ಒಬ್ಬರೊನ್ನಬ್ಬರು ಅಗಲುವ ಕ್ಷಣವದು , ಇಬ್ಬರ ಕಣ್ಣಲ್ಲೂ ನೀರಿತ್ತು . ನನ್ನ ಮನಸ್ಸು ಹಸಿಯಾಗಿತ್ತು , ನನ್ನ ಕನಸಿನ ಹುಡುಗಿ ಅನು ನನ್ನ ಮನದಲ್ಲಿ ತಲೆ ಎತ್ತಿದಳು . ಯಾವಾಗಲೋ  ನನ್ನ ಮನದಲ್ಲಿ ಬಿತ್ತಿದ್ದ ಕಥೆಯ ಬೀಜ ಮೊಳಕೆಯೊಡದಿತ್ತು .

ನಾವು ಯಾಕೆ ಪ್ರೀತಿಸಬೇಕು ? ಯಾಕೆ ಬೇರೆಯಾಗಬೇಕು ? ಮಿಲಿಯನ್ ಡಾಲರ್ ಪ್ರಶ್ನೆಯಿರಬಹುದು ಇದು . ಖಂಡಿತ ಇದಕ್ಕೆ ಉತ್ತರವಿಲ್ಲ , ಪ್ರೀತಿ ಹುಟ್ಟಲು ಅಥವಾ ಸಾಯಲು ಕಾರಣ ಬೇಕಿಲ್ಲ . ನಾವೆಲ್ಲಾ ಬೆಳ್ಳಿ ತೆರೆಯ ಮೇಲೆ ಸಿಳ್ಳೆ ಹೊಡೆಯುತ್ತಾ ಲವ್ ಸ್ಟೋರಿಗಳನ್ನು ನೋಡುತ್ತೇವೆ . ನೂರಕ್ಕೆ ತೊಂಬತ್ತೊಂಬತ್ತು ಸಿನಿಮಾಗಳಲ್ಲಿ ಹೀರೋಯಿನ್ ಹೀರೋಗೆ  ಸಿಕ್ಕಿ ಬಿಡುತ್ತಾಳೆ . ಆದರೆ ನಿಜ ಜೀವನದ ಲವ್ ಸ್ಟೋರಿಗಳು ಇದಕ್ಕಿಂತ ತೀರಾ ವಿಭಿನ್ನ ಹಾಗೂ ಕ್ಲಿಷ್ಟ . ಇಲ್ಲಿ ಹೀರೋ ಹೊಡೆದರೆ ನೆಲಕ್ಕುರುಳುವ ವಿಲನ್ ಇರುವುದಿಲ್ಲ , ಇಲ್ಲಿ ಹೆಜ್ಜೆಗೊಬ್ಬರು ವಿಲನ್ ಸಿಗುತ್ತಾರೆ . 

ಬದುಕಿನಲ್ಲಿ ನೂರಾರು ಆಯ್ಕೆಗಳು ನಮ್ಮ ಮುಂದೆ ಇರುತ್ತದೆ , ಅದರಲ್ಲಿ ಸರಿಯಾದುದನ್ನು ಆಯ್ಕೆ ಮಾಡುವಲ್ಲಿ ಬಹಳಷ್ಟು ಜನ ವಿಫಲರಾಗುತ್ತಾರೆ . ನಮ್ಮೆಲರ ಮನಸ್ಸು ಹುಚ್ಗುದುರೆಯೇ , ಅನುಮಾನವಿಲ್ಲ . ಇನ್ನು ಪ್ರೀತಿಯ ವಿಷಯದಲ್ಲಿ ಅಂತೂ ಮುಗಿದೇ ಹೋಯಿತು , ಆಯ್ಕೆ ಇನ್ನೂ ಕ್ಲಿಷ್ಟಕರ .
ಇನ್ನು Schizophrenia ವಿಚಾರಕ್ಕೆ ಬರೋಣ . ಮೊದಲೇ ಹೇಳಿದಂತೆ ಇಲ್ಲದ ವ್ಯಕ್ತಿ , ವಸ್ತು ಅಥವಾ ಏನನ್ನಾದರೂ ಸರಿಯೇ ಇದೆ ಎಂದು ಭಾವಿಸುವ ಒಂದು ವಿಚಿತ್ರ ಖಾಯಿಲೆ . ಇದರ ಬಗ್ಗೆ ನಾನು ಮೊದಲು ಕೇಳಿದ್ದು ವಿನ್ಸೆಂಟ್ ವ್ಯಾನ್ ಗೊಗ್ಹ್ ಜೀವನ ಚರಿತ್ರೆಯಲ್ಲಿ . ನಾನು ಕಲೆ ಹಾಕಿದ ಮಾಹಿತಿಯ ಪ್ರಕಾರ ಆತ paranoid schizophrenia ಖಾಯಿಲೆ ಇಂದ ಬಳಲುತ್ತಿದ್ದ . ಜೀವನವಿಡೀ ಬಡತನದಲ್ಲೇ ಕಳೆದ ಪ್ರಸಿದ್ಧ ಚಿತ್ರಕಾರ ಆತ . ಇಂದು ಮಿಲಿಯನ್ ಡಾಲರ್ ಗಳಿಗೆ ಬಿಕರಿಯಾಗುವ ಅವನ ಚಿತ್ರಗಳು , ಅವನು ಬದುಕ್ಕಿದ್ದಾಗ ಒಂದೊತ್ತಿನ ಊಟಕ್ಕೂ ಒದಗಿ ಬಂದಿರಲಿಲ್ಲ . ಬಣ್ಣ ಸಹ ತೆಗೆದು ಕೊಳ್ಳಲು ದುಡ್ಡಿಲ್ಲದೆ  ಆತ ಪರದಾಡುತ್ತಿದ್ದ . ವಿನ್ಸೆಂಟ್ ಎನ್ನುವುದು ಆತನ ಸತ್ತ ಅಣ್ಣನ ಹೆಸರು , ಸತ್ತ ಅಣ್ಣನ ಹೆಸರು ಹೊತ್ತು ಜೀವನ ಪೂರ್ತಿ ಪರಾವಲಂಬಿ ಬದುಕು ಸವೆಸಿದ . ಆತನ ನಿಸ್ವಾರ್ಥ ಪ್ರೇಮಕ್ಕೆ ಒಂದೂ ಹುಡುಗಿ ಮನಸೋಲಲಿಲ್ಲ . ಸಿಡುಬು ಹೊತ್ತ ವೇಶ್ಯೆ ಸಹ ಅವನನ್ನು ತೊರೆದು ಹೋಗುತ್ತಾಳೆ , ಇವನು ಅವಳನ್ನು ತಬ್ಬಿ ಹೇಳುತ್ತಾನೆ , ಅಳುತ್ತಾನೆ , ಇಲ್ಲ ದುಡ್ಡಿನ  ಮುಂದೆ ಎಲ್ಲವೂ ಸೋಲಲೇ ಬೇಕು . ಆತ  ಮತ್ತೆ ಹುಚ್ಚನಾದ .ನೂರಾರು ಚಿತ್ರಗಳ ಬಿಡಿಸಿದ , ಮೂಲ ಗೆರೆಗಳೇ ಇಲ್ಲದ ಚಿತ್ರಗಳವು , ಅದಕ್ಕೇ ಮಾರಾಟವೇ ಆಗಲಿಲ್ಲ . ಊಟಕ್ಕೂ ದುಡ್ಡಿಲದೇ ಕೇವಲ ಕಾಫಿ ಕುಡಿದು ಕೊಂಡು ಬದುಕಿದ್ದ . ಬಣ್ಣದ ಖರ್ಚು ಹೆಚ್ಚಾಗುತ್ತ ಹೋಗಿತ್ತು , ಊಟ ಸಿಗುತ್ತಿರಲಿಲ್ಲ , ಕಾಫಿಗೂ ಹೆಣಗಾಡುವ ಸ್ಥಿತಿ . ಆತನ ಬದುಕಿಗೆ ಊಟಕ್ಕಿಂತ ಹೆಚ್ಚಿಗೆ ಬಣ್ಣಗಳು ಬೇಕಿತ್ತು , ಅದರಿಂದಲೇ ಬದುಕಿ ಬಿಟ್ಟ . ತೀರಾ ಸಮಾಜ ಅಸಹನೀಯವಾಗಿತ್ತು , ಆತ್ಮಹತ್ಯೆಯೊಂದೆ ಉಳಿದ ಆಯ್ಕೆ ಆಗಿತ್ತು . ಬಣ್ಣಗಳು ಯಾತ್ರೆ ಮುಗಿಸಿತ್ತು . ಪ್ರಸಿದ್ಧ ಚಿತ್ರಕಾರ ಹೊಟ್ಟೆಗೆ ಅನ್ನವಿಲ್ಲದೆ , ಕೊರಗಿ , ಆತ್ಮಹತ್ಯೆಗೆ ಶರಣಾಗಿದ್ದ .
ಇಂದಿಗೂ ನನ್ನ ಇಷ್ಟದ ಪುಸ್ತಕ , ವ್ಯಾನ್ ಗೊಗ್ಹ್ ಜೀವನ ಚರಿತ್ರೆ . ಅದನ್ನೇ ಹಿಡಿದು ಎಷ್ಟೋ ದಿನ ನಿದ್ದೆಗೆ ಜಾರಿದ್ದೇನೆ , ನನ್ನ ಕಂಬನಿ ಆ ಪುಸ್ತಕ ನೋಡಿದೆ .
ಪ್ರಸಿಧ್ಧ ಗಣಿತಜ್ಞ ಜಾನ್ ನ್ಯಾಶ್ ಸಹ schizophrenia ಖಾಯಿಲೆ ಇಂದ ಬಳಲುತ್ತಿದರು . ಇಡೀ ಜಗತ್ತು ಅವರನ್ನು ಹುಚ್ಚ ಎಂದಿತ್ತು . ಅವರ ಗೇಮ್ ಥಿಯರಿ ಇಂದಿಗೂ ಬಹಳಷ್ಟು ಕ್ಷೇತ್ರಗಳಲ್ಲಿ ಬಳಕೆಯಾಗುತ್ತಿವೆ  , Nash equilibrium ಬಗ್ಗೆ ನೀವು ಓದಬಹುದು . ನೋಬಲ್ ಪ್ರಶಸ್ತಿ ಅವರನ್ನು ಅರಸಿ ಬಂದಿತ್ತು .
ಇನ್ನೂ ಹೆಚ್ಚಿನ ಮಾಹಿತಿ ನಿಮಗೆ ಗೂಗಲ್ ನಲ್ಲಿ ಸಿಗುತ್ತದೆ .
ನನ್ನ ಬರಹದ ಶೈಲಿಯಲ್ಲಿ ತೇಜಸ್ವಿ , ನೇಮಿಚಂದ್ರ, ಬೆಳಗೆರೆ ,ಕಾರಂತರ ಗಾಢ ಪ್ರಭಾವವಿದೆ . ಇದನ್ನು ಕಾಪಿ ಎನ್ನಬೇಕೋ ಎಂದು ನನ್ನೊಳಗೇ ಸಂದೇಹವಿದೆ .
ನಾನು ಕನ್ನಡದಲ್ಲಿ ಬಿ. ಎ , ಎಂ.ಎ ಮಾಡಿಲ್ಲ , ನಾನು ಓದುತ್ತಿರುವ ಎಲೆಕ್ಟ್ರಾನಿಕ್ಸ್ ಗು ,ಸಾಹಿತ್ಯಕ್ಕೂ ಯಾವುದೇ ಸಂಬಂಧವಿಲ್ಲ . ಸಿಕ್ಕ ಪುಸ್ತಕ ಓದುವ ಚಟ , ಅನಿಸಿದ್ದನ್ನು ಗೀಚುವ ಚಟವೇ ನನ್ನನು ಇಲ್ಲಿಗೆ ತಂದು ನಿಲ್ಲಿಸಿದೆ .ನಾನು ಮಾಡಿರುವ ತಪ್ಪನ್ನು ಮನ್ನಿಸಿ  ನನ್ನ ಕಥೆಯನ್ನು ಪ್ರೋತ್ಸಾಹಿಸಿದ್ದಕ್ಕೆ ಧನ್ಯವಾದಗಳು .
ಈ ಕಥೆಯನ್ನು ನಾನು ವ್ಯಾನ್ ಗೊಗ್ಹ್ , ಜಾನ್ ನ್ಯಾಶ್ ಹಾಗು ನನ್ನ ಕನಸಿನ ಹುಡುಗಿ ಅನುಗೆ ಅರ್ಪಿಸುತ್ತಿದ್ದೇನೆ  . ಇದು ಕೇವಲ ಕಾಲ್ಪನಿಕ ಕಥೆ , ನಾನೂ ಸಹ ಅನುಳ ಹುಡುಕಾಟದಲ್ಲಿದೇನೆ .
                                                                                        ಹೋಗಿ ಬರುವೆ ನಮಸ್ಕಾರ ...........
                                                                                             ನಿಮ್ಮವ
                                                                                         Gurukiran. S.D

                                                    (His last painting Crows of wheat field)

                                                          (Van Gogh self portrait)