ಮಳ್ಗವಿತೆ‬ - ಸಾವು

‪‬ಜೀಕುವೆನು ಅನಂತಕೆ
ಇಹ-ಪರದ ಯೋಚನೆ ತೊರೆದು
ಈಜುವೇನು ಆಚೆ
ಬರುವ ಯೋಚನೆಯಿಲ್ಲ ........
ಪ್ರೇತಾತ್ಮದ ಬದುಕಿದು
ತೂಗುತಿದೆ ಮನಸು
ಒಮ್ಮೆ ಈಚೆ ಒಮ್ಮೆ ಆಚೆ
ಹುಯ್ದಾಟವೀ ಬದುಕು
ಬೆಂಕಿಯ ಜೊತೆ ಹೊಗೆಯಾಗಿ
ನೀರಿನ ಜೊತೆ ಚಿತಾಭಸ್ಮವಾಗಿ
ಹಾರುವೆನು, ಈಜುವೆನು
ಕುಣಿಯುವೆನು
ಶಾಂತಿ ಸಿಗಬಹುದು ಅಲ್ಲಿ
ನನ್ನಾತ್ಮಕೆ, ಅಂತರಂಗಕೆ
ಒಳಗಿಂದ ಬೈಯುತಿದೆ
ಥೂ ! ನಿನ್ನದೂ ಒಂದು ಬದುಕೇ?
ಹಸಿ ಸೌದೆ ಹಾಕಬೇಡ್ರೋ
ನಿಮ್ಮ ದಮ್ಮಯ್ಯ
ನನಗಾಗುವುದಿಲ್ಲ ಕೆಮ್ಮು