ನೀವೇನಾದರೂ ಮಲೆನಾಡಿನಲ್ಲಿ ಎತ್ತರದ ಬೆಟ್ಟವನ್ನೋ ಅಥವಾ ಮರವನ್ನೋ ಹತ್ತಿ ನೋಡಿದರೆ ತಿಳಿಯುತ್ತದೆ , ಕಾಡಿನ ಮಧ್ಯೆ ಹಳ್ಳಿಗಳು ಹುದುಗಿ ಹೋಗಿರುತ್ತವೆ . ಕಾಡಿನ ಅಂಚಿನಲ್ಲೋ ಅಥವಾ ಗುಡ್ಡದ ತಪ್ಪಲಿನಲ್ಲೋ ಹಳ್ಳಿಗಳು ಅಡಗಿಕೊಂಡಿರುತ್ತವೆ , ಅಮ್ಮನ ಮಡಿಲಿನಲ್ಲಿ ಮಗು ಮಲಗಿದಂತೆ . ಈ ಕಾಡುಗಳನ್ನೇ ಕಡಿದು ಅಡಿಕೆ ತೋಟ ಮಾಡಲಾಗಿದೆ , ಆದರೂ ನಿಮಗೆ ಕಾಡಿನ ಮಧ್ಯೆ ತೋಟ ಕಾಣಿಸುತ್ತದೆಯೇ ಹೊರತು , ತೋಟದ ಮಧ್ಯೆ ಕಾಡು ಕಾಣಿಸುವುದಿಲ್ಲ . ಅಲ್ಲಲ್ಲಿ ಟಾರಿನ ರಸ್ತೆ ಕಾಣಿಸಬಹುದು . ಗಂಟೆಗೊಂದು ವಾಹನ ಸಂಚಾರ . ಉಳಿದಂತೆಲ್ಲಾ ಕಾಡು ' ಗವ್ವ್ ' ಎನ್ನುವ ನಿರ್ಜೀವ ಜಡ ವಸ್ತುವಂತೆ ಕಾಣಿಸುತ್ತದೆ . ಮಲೆನಾಡಿನ ಜನಗಳಿಗೂ , ಕಾಡಿಗೂ ಅವಿನಾಭಾವ ಸಂಬಂಧವಿದೆ . ಶಿವಮೊಗ್ಗ , ಉತ್ತರಕನ್ನಡ , ದಕ್ಷಿಣಕನ್ನಡ ಈ ಮೂರೂ ಜಿಲ್ಲೆಗಳಲ್ಲಿ ಹವ್ಯಕರ ಸಂಖ್ಯೆ ಜಾಸ್ತಿಯಿದೆ . ಮಯೂರ ವರ್ಮ ಹವ್ಯಕರನ್ನು ಹೈಗುಂದ ಎನ್ನುವ ಸ್ಥಳದಿಂದ ( ಈಗೀನ ಉತ್ತರಾಖಂಡ್ ಪ್ರಾಂತ್ಯದ ನೈನೀತಾಲ್ ) ಯಜ್ಞ , ಯಾಗಾದಿಗಳನ್ನು ಮಾಡಲು ಕರೆದುಕೊಂಡು ಬಂದನಂತೆ . ಹವನ ಮಾಡುವವ , ಹವಿಕ ಕ್ರಮೇಣ ಹವ್ಯಕ ಆಗಿರಬಹುದು . ಪೌರೋಹಿತ್ಯ ಒಂದೇ ಹವ್ಯಕರ ಅಗತ್ಯ ಪೂರೈಸಲಾಗದೆ ಹವ್ಯಕರು ಕೃಷಿಯನ್ನು ಪ್ರಾರಂಭಿಸಿದರು . ಮೊದಲಿಗೆ ಅವರು ಬೆಳೆದದ್ದು ವೀಳ್ಯದೆಲೆ , ಕಾಳುಮೆಣಸು . ಈ ಬೆಳೆಗಳಿಗೆ ಆಶ್ರಯ ನೀಡಿದ್ದು ಅಘನಾಶಿನಿ , ಶರಾವತಿ ನದಿ ಗುಂಟ ಇರುವ ಅಭೇದ್ಯ ಕಾಡುಗಳು . ಕಾಡಿನ ದೈತ್ಯ ಮರಗಳನ್ನು ತಬ್ಬಿಕೊಂಡು ವೀಳ್ಯದೆಲೆ , ಕಾಳುಮೆಣಸು ಬೆಳೆಯುತ್ತಿತ್ತು . ಆದರೆ ಅಡ್ಡಾ-ದಿಡ್ಡಿ ಬೆಳೆದಿರುವ ಮರಗಳಿಗೆ ಬಳ್ಳಿ ಹಂಬಿಸಲು ಕಷ್ಟವಾಗಿರಬೇಕು , ಅದಕ್ಕೇ ನೆಟ್ಟಗೆ ಬೆಳೆಯುವ ಅಡಿಕೆ ಮರ ಕಾಲಿಟ್ಟಿತು . ಅಡಿಕೆ ಮರಕ್ಕೆ ಬಳ್ಳಿ ಹಂಬಿಸುವುದು ಸುಲಭವಾಗಿರುವುದರ ಜೊತೆಗೆ ಅಡಿಕೆಯನ್ನೂ ಮಾರಾಟ ಮಾಡಬಹುದಿತ್ತು . ಕ್ರಮೇಣ ಅಡಿಕೆಯೇ ಉಳಿದ ಬೆಳೆಯನ್ನು ಹಿಂದಿಕ್ಕಿತು . ಅಡಿಕೆ ತೋಟಗಳಿಂದ ಹವ್ಯಕರಲ್ಲದೆ ಇತರೆ ಜಾತಿಯವರಿಗೂ ಉದ್ಯೋಗ ಸಿಗುವಂತಾಯಿತು .
ಜಂಬಗಾರಿಗೆ ಸಾವಿರ ಸಾವಿರ ವರ್ಷಗಳ ಇತಿಹಾಸವಿದೆ . ವಿಜಯನಗರದ ಸಾಮಂತರಾದ ಕೆಳದಿ ಅರಸರು ಜಂಬಗಾರನ್ನು ಆಳಿದ್ದಕ್ಕೆ ಸಾಕ್ಷಿ ಗಣಪತಿ ದೇವಸ್ಥಾನ ಹಾಗೂ ಸದಾಶಿವ ಸಾಗರ ಎಂಬ ಕೆರೆ . ಜಂಬಗಾರಿನ ವೈಶಿಷ್ಟ್ಯ ಇರುವುದು ಆ ಊರಿನಲ್ಲಿ ವಾಸವಾಗಿರುವ ಜಾತಿಗಳಲ್ಲಿ . ಅಲ್ಲಿ ಯಾವ ಜಾತಿಯೂ ಇವತ್ತು , ನೆನ್ನೆ ಬಂದಿಲ್ಲ . ಆ ಎಲ್ಲಾ ಜಾತಿಗಳಿಗೂ ದೊಡ್ಡ ದೊಡ್ಡ ಇತಿಹಾಸವೇ ಇದೆ . ಪ್ರತಿಯೊಂದು ಜಾತಿಯೂ ಮತ್ತೊಂದು ಜಾತಿಯ ಮೇಲೆ ಅವಲಂಬಿತವಾಗಿದೆ .
ಜಂಬಗಾರಿನ ಬ್ರಾಹ್ಮಣರ ಕೇರಿಯ ತುದಿಯಲ್ಲಿ ವಿಷ್ಣುವಿನ ದೇವಸ್ಥಾನವಿದೆ . ಇತರೆ ಜಾತಿಯವರು ಊರಿನ ಹೊರಗೆ ಇದ್ದಾರೆ . ಸಾಮಾನ್ಯವಾಗಿ ವಿಷ್ಣುವಿನ ದೇವಾಲಯ ಊರಿನ ಮಧ್ಯದಲ್ಲಿಯೇ ಇರುತ್ತದೆ . ಕೇವಲ ಬ್ರಾಹ್ಮಣ ಕೇರಿಯೊಂದೆ ಊರು ಎಂದಾದರೆ ವಿಷ್ಣು ದೇವಾಲಯ ಊರ ಹೊರಗೆ ಆಯಿತಲ್ಲವೇ ? . ಆದ್ದರಿಂದ ನಾವೂ ಸಹ ಜಂಬಗಾರಿಗೆ ಸೇರುತ್ತೇವೆ ಎನ್ನುವುದು ಇತರೆ ಪೈಕಿಯವರ ವಾದ . ಆದರೆ ಕೆಲವು ಬ್ರಾಹ್ಮಣ ಕೇರಿಗಳು ಶರಾವತಿಯ ಪ್ರವಾಹದಲ್ಲಿ ಕೊಚ್ಚಿಕೊಂಡು ಹೋಗಿದೆ , ನಂತರ ಮುಸ್ಲಿಂ ಆಕ್ರಮಣದಿಂದ ಬ್ರಾಹ್ಮಣರು ಚೆಲ್ಲಾಪಿಲ್ಲಿಯಾದರು ಎನ್ನುವ ಇತಿಹಾಸವನ್ನು ಒಬ್ಬ ಬ್ರಿಟಿಷ್ ಅಧಿಕಾರಿ ಬರೆದಿದ್ದಾನೆ . ಈಗಲೂ ಗಣಪತಿ ದೇವಸ್ಥಾನದ ಪಕ್ಕವೇ ಒಂದು ಮಸೀದಿ , ಮದರಸ ಇದೆ . ಹೈದರಾಲಿಯ ಸೈನಿಕರು ಜಂಬಗಾರಿನಲ್ಲೇ ನೆಲೆಸಿದರು ಎನ್ನಲಾಗಿದೆ .
ಜಂಬಗಾರು ಜಾತಿ ಕಲಹ , ಕೋಮು ಗಲಭೆ , ಒಳಜಗಳ , ಶೀತಲ ಸಮರದಿಂದ ಹೊರತಾಗಿಲ್ಲ ............
ಜಂಬಗಾರಿಗೆ ಸಾವಿರ ಸಾವಿರ ವರ್ಷಗಳ ಇತಿಹಾಸವಿದೆ . ವಿಜಯನಗರದ ಸಾಮಂತರಾದ ಕೆಳದಿ ಅರಸರು ಜಂಬಗಾರನ್ನು ಆಳಿದ್ದಕ್ಕೆ ಸಾಕ್ಷಿ ಗಣಪತಿ ದೇವಸ್ಥಾನ ಹಾಗೂ ಸದಾಶಿವ ಸಾಗರ ಎಂಬ ಕೆರೆ . ಜಂಬಗಾರಿನ ವೈಶಿಷ್ಟ್ಯ ಇರುವುದು ಆ ಊರಿನಲ್ಲಿ ವಾಸವಾಗಿರುವ ಜಾತಿಗಳಲ್ಲಿ . ಅಲ್ಲಿ ಯಾವ ಜಾತಿಯೂ ಇವತ್ತು , ನೆನ್ನೆ ಬಂದಿಲ್ಲ . ಆ ಎಲ್ಲಾ ಜಾತಿಗಳಿಗೂ ದೊಡ್ಡ ದೊಡ್ಡ ಇತಿಹಾಸವೇ ಇದೆ . ಪ್ರತಿಯೊಂದು ಜಾತಿಯೂ ಮತ್ತೊಂದು ಜಾತಿಯ ಮೇಲೆ ಅವಲಂಬಿತವಾಗಿದೆ .
ಜಂಬಗಾರಿನ ಬ್ರಾಹ್ಮಣರ ಕೇರಿಯ ತುದಿಯಲ್ಲಿ ವಿಷ್ಣುವಿನ ದೇವಸ್ಥಾನವಿದೆ . ಇತರೆ ಜಾತಿಯವರು ಊರಿನ ಹೊರಗೆ ಇದ್ದಾರೆ . ಸಾಮಾನ್ಯವಾಗಿ ವಿಷ್ಣುವಿನ ದೇವಾಲಯ ಊರಿನ ಮಧ್ಯದಲ್ಲಿಯೇ ಇರುತ್ತದೆ . ಕೇವಲ ಬ್ರಾಹ್ಮಣ ಕೇರಿಯೊಂದೆ ಊರು ಎಂದಾದರೆ ವಿಷ್ಣು ದೇವಾಲಯ ಊರ ಹೊರಗೆ ಆಯಿತಲ್ಲವೇ ? . ಆದ್ದರಿಂದ ನಾವೂ ಸಹ ಜಂಬಗಾರಿಗೆ ಸೇರುತ್ತೇವೆ ಎನ್ನುವುದು ಇತರೆ ಪೈಕಿಯವರ ವಾದ . ಆದರೆ ಕೆಲವು ಬ್ರಾಹ್ಮಣ ಕೇರಿಗಳು ಶರಾವತಿಯ ಪ್ರವಾಹದಲ್ಲಿ ಕೊಚ್ಚಿಕೊಂಡು ಹೋಗಿದೆ , ನಂತರ ಮುಸ್ಲಿಂ ಆಕ್ರಮಣದಿಂದ ಬ್ರಾಹ್ಮಣರು ಚೆಲ್ಲಾಪಿಲ್ಲಿಯಾದರು ಎನ್ನುವ ಇತಿಹಾಸವನ್ನು ಒಬ್ಬ ಬ್ರಿಟಿಷ್ ಅಧಿಕಾರಿ ಬರೆದಿದ್ದಾನೆ . ಈಗಲೂ ಗಣಪತಿ ದೇವಸ್ಥಾನದ ಪಕ್ಕವೇ ಒಂದು ಮಸೀದಿ , ಮದರಸ ಇದೆ . ಹೈದರಾಲಿಯ ಸೈನಿಕರು ಜಂಬಗಾರಿನಲ್ಲೇ ನೆಲೆಸಿದರು ಎನ್ನಲಾಗಿದೆ .
ಜಂಬಗಾರು ಜಾತಿ ಕಲಹ , ಕೋಮು ಗಲಭೆ , ಒಳಜಗಳ , ಶೀತಲ ಸಮರದಿಂದ ಹೊರತಾಗಿಲ್ಲ ............
( ಮುಂದುವರೆಯುವುದು.................)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ